கடவுள் இருக்கிறாரா?

 

கடவுள் இருக்கிறார?

மேஜை மீதிருந்த உலக உருண்டையில் கைவைத்து

பார்த்துக் கொண்டிருந்த மகள்

கேட்டாள்

பூமி இப்படித்தான் இருக்குமா

திரைப்படங்களில் காட்டுவது போல

அப்படித்தான் இருக்குமென நம்புகிறேன் நானும் நேரில் பார்த்ததில்லை என்றேன்

அடுத்தது எதிர்பார்த்த கேள்வி

கடவுள் உலகை படைத்தாரா?

நிச்சயமாக எனக்கு தெரியாது

யாரும் ஆதாரப்பூர்வமாக சொல்லவில்லை  என முணுமுணுத்தேன்

இதற்கு மட்டும் முணுமுணுக்குற

என்றாள்

யாருக்கு தெரியும் பக்கத்திலிருந்து

பார்த்துக் கொண்டிருந்தாலும் இருப்பார் என என் அப்பா சொல்லியிருக்கிறார் 

கலகலவென வயிற்றை பிடித்துக் கொண்டு சிரித்தாள்

கலித் தேவன்